ദൈവമേ...

ക്രൂരതകളുടെ ലോകം വെടിഞ്ഞ് ആ ഏഴ് വയസ്സുകാരന്‍ പപ്പി അവന്റെ അച്ചന്റെ അടുത്തേക്ക് പോയെന്ന് ആശ്വസിക്കുന്പോളും ദൈവമേ നീയത്ര ക്രൂരനാണ്. എത്രയോ പേര്‍ ഒരു കുഞ്ഞിനായി ഇവിടെ ഓരോ നിമിഷവും കണ്ണീരൊഴുക്കുന്നുണ്ട്. അവര്‍ക്കൊന്നും ഒരു കുഞ്ഞിനെ കൊടുക്കാത്ത നീ എന്തിനാണ് പീഢനത്തിനും മര്‍ദ്ദനത്തിനുമായി മനുഷ്യമൃഗങ്ങള്‍ക്ക്  സന്താനഭാഗ്യം നല്‍കുന്നത്. നിന്നോട് വല്ലാതെ വെറുപ്പ് തോന്നുന്നു. ഒരു കുഞ്ഞിന്റെ പുഞ്ചിരികാണാനായി ഓരോ നിമിഷവും നിന്നോട് പ്രാര്‍ത്ഥിക്കുന്നവരുടെ പ്രാര്‍ത്ഥനകള്‍ നീ കേട്ടിരുന്നെങ്കില്‍ ഇന്ന് എത്രയോ കുട്ടികള്‍  സന്തോഷത്തോടെ അവരുടെ ജീവിതത്തെ ജീവിച്ചു തീര്‍ക്കുമായിരുന്നു. സഹനങ്ങള്‍ ഏറെ സഹിച്ച ആ കുഞ്ഞ് നിന്റെ അടുത്ത് ഉണ്ടെങ്കില്‍ അവനെ നീ എനിക്കായി നല്‍കണേ. അവന്‍ കാണാതെ പോയ പകലുകളും കളിപ്പാട്ടങ്ങളും മിഠായികളും വാങ്ങിച്ച് വെച്ച് വര്‍ഷങ്ങളായി ഞാന്‍ കാത്തിരിക്കുകയാണ്. അവന്‍ എത്രവട്ടം അവനെയും കുഞ്ഞനിയനെയും കാത്തുരക്ഷിക്കണേ എന്ന് പറഞ്ഞ് നിന്റെ മുന്നില്‍ നിന്ന്   കരഞ്ഞിട്ടുണ്ടാകും.     നിന്റെ കരുണ വറ്റാത്ത ഹൃദയം ഇനിയും പൊട്ടിതെറിച്ചു പോയിട്ടില്ലെങ്കില്‍ അവനെ എനിക്ക് തരൂ.. അവനായി മാത്രം എനിക്ക് പാല്‍ ചുരത്തണമെന്നുണ്ട്.