തലയില്‍ ഇടിവെട്ടേറ്റ പോലെ 

എന്തൊക്കെയോ എഴുതണമെന്നുണ്ട് . 

ചറപറാന്ന് പെയ്യുന്ന മഴ പോലെ. 

വെട്ടിവിയര്‍ക്കുന്ന വെയിലു പോലെ

എല്ലാം പറഞ്ഞ്  തിരിച്ചു നടക്കണമെന്നും , 

എല്ലാം പറയാന്‍ ഓടി വരണമെന്നുമുണ്ട്

മഴ കനിഞ്ഞൊരു രാത്രിയോ പകലോ, 

നട്ടുച്ചയാല്‍ കെട്ടിപിടിച്ച ദിനമോ ഇല്ലെന്നിരിക്കെ

ഞാനെങ്ങനെയാണ് പറഞ്ഞു തുടങ്ങുക.

തുടക്കവും ഒടുക്കവും തന്നെ ഇല്ലെന്നിരിക്കെ 

ഞാന്‍ എങ്ങിനെയാണ് എഴുതി തുടങ്ങുക

ഞാനെന്തു പറഞ്ഞാലും നീ മാത്രം ഇല്ലെന്നിരിക്കെ

ഞാനെന്തിനാണ് എല്ലാം പറയണത്.